जनउत्थान सामुदायिक लघुवित्त वित्तीय संस्था लि. ले सक्षम वित्तीय पहुँच परियोजना संगको सहकार्यमा ट्याब्लेट बैंकिङ्ग सेवा सुचारु गर्नका लागि परियोजना जिल्ला अन्र्तगतका रुपन्देही, कपिलबस्तु र दाङ्ग जिल्लाका १० वटा शाखा कार्यालयमा कार्यरत ४६ जना कर्मचारीहरुलाई ट्याब्लेट बैंकिङ्ग सेवासंग सम्बन्धित सैद्धान्तिक तथा ब्यवहारिक विषयमा अभिमुखिकरण गरि क्षमता अभिवृद्धि गर्ने उदेश्यका साथ ट्याब्लेट बैंकिङ्ग सम्बन्धि अभिमुखिकरण तालिम मिति २०७६/०८/१४ र १५ गते बुटवल, रुपन्देहीमा संस्थाका संस्थाका अध्यक्ष श्री बावुराम विश्वकर्माको अध्यक्षतामा सम्पन्न गरेको छ । भने यहि कार्यक्रम परियोजना कार्यान्वयनमा रहेका बाँके, बर्दिया, कैलाली र कञ्चनपुर जिल्लाका ११ वटा शाखा कार्यालयका ५० जना कर्मचारीहरुलाई मिति २०७६/०८/१७ र १८ गते कोहलपुर, बाँके मा सम्पन्न गरेको छ ।
कार्यक्रमको उद्घाटन गदै संस्थाका अध्यक्ष श्री बावुराम विश्वकर्माले सम्पूर्ण कर्मचारीहरुलाई सदैव संस्थाको हकहित र लक्ष्य प्राप्तिका लागि संस्थागत सुशासनलाई ख्याल गरी कार्यगर्न सुझाव दिनुभएको थियो । तथा यस ट्याब्लेट बैंकि∙ सेवाले कर्मचारीको पेशागत विकास, सदस्यहरुलाई दिइने सेवामा अझ विविधता तथा विस्वस्नियता थपिने तथा संस्थाको सेवाको गुणस्तरमा समेत बृद्धि हुने भएका कारण यस सेवालाई सफल पार्नका लागि कर्मचारीहरुलाई उत्प्रेरित भई लाग्नका लागि सुझाव दिनु भएको थियो ।
ट्याब्लेट बैकिङ्गको उदेश्य र यसका फाईदा, सैद्धान्तिक तथा ब्यवहारिक विषयहरुमा संस्थाका कर्मचारी इन्द्र बराली, सन्तोष रसाइली, ई.प्रकाश भण्डारी र सिनर्जी टेकका अभिषेक के.सी. र एलिश निरौलालले प्रशिक्षण गरेका थिए ।
संस्थाको हाल १९ जिल्ला कार्य क्षेत्र रहेको र ३९ वटा शाखा कार्यालय मार्फत करिव चालिस हजार समुह सदस्यहरुलाई लघुवित्त सेवा प्रदान गर्दै आइरहेको छ ।

Find us on Facebook :